Ecoembes eta Confebask elkartu egin dira hondakinak kudeatzeko egungo sistema eta etorkizuneko bilakaera aztertzeko

15-03-2018
REUNIÓN ECOEMBES
Confebaskeko ingurumen batzordea eta Adegi, Cebek, Sea eta Avek Kimika euskal enpresa erakundeak gaur goizean elkartu dira Ecoembeseko ordezkaritza batekin –irabazi asmorik gabeko erakunde estatal bat da, ontzien ingurumen inpaktua murriztera zuzendua, ontzien birziklapenaren eta ekodiseinuaren bitartez–, Euskadin gaur egun ontziak kudeatzeko dagoen sistemaz eta datozen urteetarako aurreikusten den bilakaeraz hitz egiteko eta aztertzeko.

Euskadin otsailean inskribatutako enpresen kopurua urtearteko %0,1 baino ez da hazi

14-03-2018
Enpresak otsailan
Confebaskek Euskadiko Enpresa Sarearen Eboluzioaren gaineko azken buletinean jasotzen denez, otsailean pixka bat igo da Gizarte Segurantzan inskribatutako enpresen kopurua: urtarrilean baino 54 gehiago eta orain dela urte bat baino 66 gehiago, hau da, iaz erregistratuta zeudenak baino % 0’1 gehiago. Urtearteko konparazioan, enpresa kopurua berriro igo da Eraikuntzan (+%1,9) eta pixka bat zerbitzuetan, baina industrian beherantz jarraitzen du (-%1,1). Gainera, estatuko zifrekin alderatuta, enpresa kopuruaren urtearteko hazkundea Euskadin txikiagoa da.

Confebask Terrorismoaren Biktimen Europako Egunaren deialdira joan da, ‘bidegabea izan zen’ lemapean

10-03-2018
acto víctimas 11M
Confebaskeko eta bere elkarte kide Adegi, Cebek eta Seako ordezkaritza batek Eusko Jaurlaritzak antolatutako ekitaldi batean parte hartu dute gaur goizean, Terrorismoaren Biktimen Europako Egunaren ekitaldi ofizialaren bezperan, "Fue injusto. Gizartea eta biktimak, elkarrekin oraina eta etorkizuna eraikiz". Bertaratutakoen artean zeuden Roberto Larrañaga, Confebaskeko lehendakaria, Iñaki Garcinuño, Cebekeko lehendakaria, Gregorio Rojo, SEA eta Confebaskeko lehendakariorde eta Eusko Ganberak-eko lehendakaria; Eduardo Aretxaga, Confebaskeko zuzendari nagusia eta Francisco Javier Azpiazu, Cebekeko idazkari nagusia.

Terrorismoaren biktimen Europako Eguna

Blog del presidente de Confebask

Datorren martxoaren 11n Terrorismoaren biktimen Europako eguna izango da. Arrazoi hori tarteko, Eusko Jaurlaritzak deialdi bat antolatu du biharko, larunbata, ‘Ez zen justua izan. Gizartea eta biktimak, elkarrekin oraina eta etorkizuna eraikiz’ lemapean. Euskal enpresariak Ekitaldira joango gara, orain dela lau hilabete ere ETAren biktima izandako euskal enpresarien alde Bilboko Euskalduna Jauregian eskaini genuen mezu berarekin: “zertarako hainbeste sufrimendu, hainbeste min, hainbeste absentzia eta hutsune? Gizarte kohesionatu bat finkatzeko aukera daukagu, bakean. Baina ezin dugu ahaztu, ez dugu ahaztu behar. Nahi dugu euskal gizarteak jakitea zer gertatu zen eta nola bizi genuen. Bidezkoa da”. Horregatik, ez dut ulertzen zergatik EH Bildu ez den biharko deialdira joango. Eta are ulergaitzagoa gertatzen zait esplikatzeko esaten dutenean lema ‘ez dela inklusiboa’.

“Emakumeak kontuan hartzen ez dituen gizarte bat seguru porrotera doala”

08-03-2018
Roberto Larrañaga, presidente de Confebask
Grupo Vocentoko egunkarietan Confebaskeko lehendakari Roberto Larrañagak argitaratutako testu labur batean hausnarketa egiten du emakumeen berdintasunaren beharrari buruz, plano guztietan, ez soilik betekizun etiko nabarmen bezala, baizik eta enpresen lehiakortasunerako beharrezko faktore moduan. Bestetik, Sail Juridiko Laboraleko Virginia Mugicak, berriz, Europa Pressi egindako adierazpenetan zera adierazi du: "Confebask bat dator hein handi batean lortu nahi diren helburu eta xedeekin”, martxoaren 8an islatuko diren erreibindikazioekin, baina gaineratu du “eraginkorra eta irmoa” izan daitekeela greba batekin”produkzio sistema konprometitu gabe” ere.