“Enpresariaren zereginak gaur egun duguna baino aitortza sozial handiagoa merezi du”

09-10-2023
Confebaskek 400 gonbidatu inguruan izan dituen ekitaldi batekin ospatu du bere 40. urteurrena eta bertan izan dira lehendakaria eta Erregea. Tamara Yague Confebaskeko presidenteak nabarmendu nahi izan du “euskal enpresak ongizate kolektiboari egindako ekarpena oso garrantzitsua izan dela eta dela. Gure egungo ongizate maila, azterketa guztien arabera Europako estandar handienen parekoa dena, ez da kasualitatearen ondorio. Enpresarien apustuaren ondorioa da, hiru hitzetan laburbiltzen den apustu batena: ekintzailetza, lana eta konpromisoa. Enpresariaren zereginak gaur egun duguna baino aitortza sozial handiagoa merezi du. “Argi gera dadila – amaitu du –. Enpresa balio segurua da. Ezin da ulertu gizarte garatu eta moderno bat enpresarik eta enpresaririk gabe. Gizarte batek ez duelako aurrera egiten lehiakorrak diren, zergak ordaintzeko etekinak sortzen dituzten eta enplegua sortzen duten enpresarik gabe. Enpresa eta bere pertsonak beharrezkoak dira gizarte hobea izateko".

“Ia 4.000 gaztek egin dituzte praktikak atzerrian Erasmus+ programaren pean, Confebaskek sustatuta”

21-09-2023
Confebaskeko ikasleen mugikortasuneko arduradun Arantza Vigiolak Lanbide Heziketako Erasmus+ mugikortasunari buruz SEPIEk antolatutako jardunaldi batzuetan parte hartu du, irailaren 18an eta 19an, Gijongo La Laboral CIFPen (Asturias), zeinetara estatuan programan parte hartzen duten erakunde guztiak gonbidatu zituzten. Confebaski dagokionez, duen esperientzia zabala kontuan hartuta, beken kudeaketa nola egiten duten auditoriumean azaltzeko gonbidatu zuten Arantza Vigiola, estatuan “mugikortasuneko partzuergoak inspiratzeko kasu” moduan balio dezan. Zentzu horretan, Arantza Vigiolak aprobetxatu zuen publikoari jakinarazteko “Confebask dela estatuan LHko zein unibertsitateko ikasleentzako mugikortasunak kudeatzen ditugun enpresa erakunde bakarra”.

“Euskadiko industria sektorearen alde eremu lokaletik egiteko interes handia ikusten dugu”

20-09-2023
2022aren hasieran, Eusko Jaurlaritzak, SPRIren bidez, BasKeep jarri zuen abian, inbertitzaileak eta euskal enpresa industrialak azkar, erraz eta konfidentzialtasunez konektatzen dituen lehen aplikazioa. Datorren urriaren 4an, Baskeepek ‘BasKeep KONNEKT’ topaketa egingo du, Euskadiko industria ekosistemaren alde egin nahi duten euskal enpresa industrialei eta inbertitzaileei zuzendutako jardunaldi bat. Jardunaldi hori egingo dela aprobetxatzen dugu Aitor Urzelai SPRIko zuzendariarekin Baskeepen helburuak eta urte eta erdi honetan zehar izan duen bilakaera errepasatzeko. Confebasken ‘Enpresa Dimentsioaren’ azken zenbakian jasotako elkarrizketa honetan, SPRIko zuzendari nagusiak adierazi du “Baskeepek oso harrera ona” izan duela. “Abiatu zenetik urte eta erdi eskasean, dagoeneko 130 inbertitzaile baino gehiago ditugu erregistratuta, eta 70 enpresa baino gehiago alta emanda".

Confebaskek berriro ekin dio legebiltzar-enpresa programari, Zucchetti Spain bisitatuz

18-09-2023
Confebaskek berriro hasi ditu enpresetara antolatutako bisitak, legebiltzar-enpresa programaren barruan, Euskadiko enpresa sarearen errealitate zehatza euskal erakunde legegileko kideei hurbildu nahian. Oraingoan, Zucchetti Taldeko kidea den Zucchetti Spain enpresara egin da bisita –Italiako 1. software konpainia da, eta 50 herrialde baino gehiagotan dago presente–. Zucchetti Spain estatu osoko software fabrikatzaileen erreferentea da, Derion dauka egoitza (Bizkaia), eta bulegoak Donostian, Ermuan, Madrilen eta Logroñon. 4.000 bezerorekin, kualifikazio handiko 290 profesional inguruko plantilla du. Bisitaren helburua izan da Euskadin erreferente diren hiru software enpresak Zucchetti proiektuan integratzearen esperientzia euskal legebiltzarkideei hurbiltzea, errotzea, inbertsioa eta erabakigunea bertan mantenduz.

"Talentua erakartzeko estrategia bateratu eta urgentea behar dugu, baita hazkunde, aberastasun eta enplegu gehiago erraztuko duen fiskalitate bat ere"

19-07-2023
Confebask Euskal Enpresarien Konfederazioak ohikoa duen udako Kontseilu Nagusia egin du, eta, bertan, orain arte presidente izan den Isabel Bustoren lekua Tamara Yaguek hartu duela berretsi da. Tecuniko zuzendari nagusia eta Vinci Energies Españako Zuzendaritza Batzordeko kidea da Tamara Yagüe, eta Zuzenbideko lizentziatua da Deustuko Unibertsitatean, Aholkularitza Fiskaleko masterra edukitzeaz gain. Cebekeko presidenteordea da 2020tik, eta FVEMeko presidentea ere izan da. Tamara Yaguek gainditu beharreko zenbait erronka planteatu ditu. "Lehenik eta behin –ziurtatu du–, hor dago Euskadik duen erronka demografikoari herrialde mailako soluzioa emateko beharra eta, halaber, Tamara Yaguek ohartarazi du beharrezkoa dela Euskadin begirada fiskal berri bati heltzea.