Terrorismoaren biktimen Europako Eguna

Blog del presidente de Confebask

Datorren martxoaren 11n Terrorismoaren biktimen Europako eguna izango da. Arrazoi hori tarteko, Eusko Jaurlaritzak deialdi bat antolatu du biharko, larunbata, ‘Ez zen justua izan. Gizartea eta biktimak, elkarrekin oraina eta etorkizuna eraikiz’ lemapean. Euskal enpresariak Ekitaldira joango gara, orain dela lau hilabete ere ETAren biktima izandako euskal enpresarien alde Bilboko Euskalduna Jauregian eskaini genuen mezu berarekin: “zertarako hainbeste sufrimendu, hainbeste min, hainbeste absentzia eta hutsune? Gizarte kohesionatu bat finkatzeko aukera daukagu, bakean. Baina ezin dugu ahaztu, ez dugu ahaztu behar. Nahi dugu euskal gizarteak jakitea zer gertatu zen eta nola bizi genuen. Bidezkoa da”. Horregatik, ez dut ulertzen zergatik EH Bildu ez den biharko deialdira joango. Eta are ulergaitzagoa gertatzen zait esplikatzeko esaten dutenean lema ‘ez dela inklusiboa’.

“Emakumeak kontuan hartzen ez dituen gizarte bat seguru porrotera doala”

08-03-2018
Grupo Vocentoko egunkarietan Confebaskeko lehendakari Roberto Larrañagak argitaratutako testu labur batean hausnarketa egiten du emakumeen berdintasunaren beharrari buruz, plano guztietan, ez soilik betekizun etiko nabarmen bezala, baizik eta enpresen lehiakortasunerako beharrezko faktore moduan. Bestetik, Sail Juridiko Laboraleko Virginia Mugicak, berriz, Europa Pressi egindako adierazpenetan zera adierazi du: "Confebask bat dator hein handi batean lortu nahi diren helburu eta xedeekin”, martxoaren 8an islatuko diren erreibindikazioekin, baina gaineratu du “eraginkorra eta irmoa” izan daitekeela greba batekin”produkzio sistema konprometitu gabe” ere.

Confebask, Deusto Business School-eko enpresa dimentsioari buruzko jardunaldi finantzarioan

06-03-2018
Confebaskeko zuzendari nagusi Eduardo Aretxaga moderatzaile lanetan aritu da gaur arratsaldean, Deusto Business Schoolek antolatutako enpresa dimentsioari buruzko jardunaldi batean, adituen eta enpresa zuzendarien parte hartzearekin. Zehazki, Eduardo Aretxagak Uvesco Taldearen zuzendari nagusi Jose Ramon Fernandez de Barrenarekin, CAFeko negozio eta teknologiako zuzendari korporatibo Jon Imazekin eta Seguros Bilbaoko zuzendari nagusi ondoko Jose Manuel Ereñorekin batera partekatu ditu hausnarketak. Aurretiaz, BBVA Researcheko azterketa makroekonomikoen zuzendariak, Rafael Domenechek, 250 langile baino gehiagoko enpresak Alemaniakoak bezain lehiakorrak direla adierazi du.

Euskadin 10 pertsonatik 7k uste du euskal enpresariek gizarteari egiten dioten ekarpena positiboa edo oso positiboa dela.

01-03-2018
Eusko Jaurlaritzaren soziometroak iazko irailean galdera batzuk txertatu zituen " Euskadin enpresari figuraren balorazio eta aitortza soziala"-ri buruz gizarteak duen iritzia ezagutzeko. Eta, datu horietan ikus daitekeenez, 10 euskaldunetik 7k uste du gizarteari egiten zaion ekarpena positiboa edo oso positiboa dela. Lurraldeka, iritzi hori %75etik gorakoa da Araban eta Gipuzkoan; Bizkaian, berriz, %66koa. Enpresariek euskal gizarteari egiten dioten ekarpenari buruzko irudi ona handiagoa da adinean aurrerago daudenen artean, nahiz eta nagusiki positiboa izan adin tarte guztietan.

Confebaskek Kontzertu Ekonomikoaren 140. urteurrenean parte hartu du eta haren defentsarekin erabateko konpromisoa berretsi du

28-02-2018
Confebaskeko Batzorde Exekutiboko ordezkaritza zabal bat elkartu da gaur arratsaldean, Bilboko Arriaga Antzokian, Eusko Jaurlaritzak antolatutako ekitaldian parte hartzeko, Kontzertu Ekonomikoa ezarri zeneko 140. urteurrena ospatzeko.Confebaskek urteurrenarekin bat egin nahi izan du, Euskadin Kontzertu Ekonomikoak gure autogobernurako duen nabarmentasun eta garrantzi handiaren inguruan duen kontsentsu zabalaren eta adostasun ia erabatekoaren jabe izanik. Euskal enpresa konfederazioa beti izan da Kontzertuaren legezko baliozkotasun osoaren eta bere autonomia fiskalaren defendatzaile aktiboa.