- Elkarrizketa Herri Irratian Eduardo Zubiaurrerekin (hemen entzun)
2022-03-24
Herri Irratian egindako elkarrizketa batean (hemen entzun), Confebaskeko presidente Eduardo Zubiaurrek berriro adierazi du kezkatuta dagoela duela hilabete batzuetatik hona “tamaina eta sektore guztietako” euskal enpresek duten egoerarekin, energiaren kostu handiagatik, eta, orain, baita garraiolarien grebagatik ere.
“Aspalditik ari ginen ohartarazten energiaren kostua jasanezina zela, eta orain Ukrainan gerra bat hasi da, egoera are gehiago larriagotu duena. Asteak daramatzagu arazo horien guztien berri ematen, eta, guztien nahasmen eta sumindurarako, ez dugu ikusten neurriak hartzen ari direnik beste herrialde batzuetan egiten ari diren bezala. Gainera, badirudi elementu negatiboak lerrokatzen ari direla, eta, orain, garraiolarien grebak enpresa askoren bideragarritasunean behin betiko eragingo duela mehatxatzen du.
“Berandu gabiltza, egoera oso larria da eta, egia esan, ez dakit enpresa askorentzat ez ote ari garen itzulerarik gabeko puntu batera iristen, non gauzak benetan zailduko diren. Energiaren prezioek behera egin behar dute, izan ere, nahiz eta, berriro esango dut, asteak daramatzagun egoeraren larritasunaz ohartarazten, ez dira neurriak hartzen ari, eta egoera erabat ezezaguna eta aurrez iragarri ezina bihurtzen ari da, izan ditzakeen ondorio ekonomiko eta sozialengatik”.
