Confebaskek eta ADEGI, CEBEK eta SEA bere elkarte kideek, Eusko Jaurlaritzarekin batera, promozio kanpaina bat abiarazi dute Euskadiko LH dualean enpresa gehiago sartzeko

12-05-2017
Eusko Jaurlaritzak, Confebaskek eta Euskadiko LH ikastetxeek prestakuntzaren arloko 25 urteko lankidetza sakona aprobetxatzen dute, euskal enpresen artean ‘Etorkizuneko LH’: eredu duala esaten zaiona bultzatzen jarraitzeko; horren bitartez, enpresak edo sektoreak behar dituen gaitasun berezietan prestatzen dira ikasleak eta, gainera, gazteei lan irteera zabala eskaintzen zaie. 1.800 euskal enpresak baino gehiagok eta Lanbide Heziketako ikastetxeetako 2.000 ikaslek baino gehiagok dagoeneko hartu dute parte programan, indarrean daraman 5 urteetan. Ikasturte honetan bakarrik, 1.300 ikasle inguru ari dira LH duala egiten 800 enpresatan gorabehera, hau da, ikasleen kopurua hamar aldiz biderkatu da eta firma parte hartzaileak zazpi aldiz, 2012. urtean programa abiarazi zenetik.

Eduardo Aretxaga: ‘Tarifa elektrikoari buruzko akordioak amaiera jarri dio gure enpresak lehiakortasunean nozitzen ari ziren kalteari’

04-05-2017
Confebaskeko zuzendari nagusia pozik ageri da Euskadiko tarifa elektrikoa estatuan dagoenarekin parekatzen duen akordioagatik. ‘Urte asko daramagu lehiakortasunaren desabantaila hori deuseztatzeko eskatzen’, gehitu du. Sarearen voltaje bereziagatik Euskadin aplikatzen den tarifa elektriko bereziaren ondorioz, kontsumo elektriko intentsiboa duten euskal enpresek –siderurgikoak, fundizioak, zementu fabrikak, paper fabrikak…– urtero 50 milioi euro inguruko gainkostua ordaintzen dute, ‘errepikatu izan den gastua –dio–, orain beste premia batzuetara bideratu ahal izango dutena’.

Confebaskek positibo baloratu du EAJk eta PPk kupoari buruz Madrilen lortutako akordioa

03-05-2017
Confebask pozik agertu da Eusko Jaurlaritzako Ogasun eta Ekonomiako sailburu Pedro Azpiazuk eta Ogasun eta Funtzio Publikoko ministro Cristobal Montorok Madrilen izenpetutako akordioarekin, 2007tik gauzatzeke zegoen Kupoaren likidazioa dela eta. Berez, horixe zen legealdi honetarako agenda enpresarialean sartutako helburu nagusietakoa, zeina Confebaskek orain dela hilabete batzuk helarazi baitzien alderdi politikoei. Akordio positiboa, bi administrazioen arteko harreman finantzarioen hamar urteko ziurgabetasuna amaitzen delako. Eta hemendik aurrera segurtasun juridikoko garai zabal bat irekitzen da euskal kontu publikoetarako.

Iñaki Arriola: ‘Ondare naturala zaintzeko beharra eta garapen ekonomikoa ez dira aurrez aurre egon behar’

02-05-2017
Iñaki Arriola sailburuak Confebaski Ingurumenaren gaineko azken Newsletterean emandako elkarrizketa batean dioenez, ‘Euskadi Europan arlo honetan aurreratuen dauden herrialdeen parean dagoen erkidego bat da: gure lurraldearen %20,3 gune babestuen Natura Sarean sartuta dugu, eta hondakinen birziklapen maila Europaren pare dago’, baina gehitu ere gehitu du ez dela autokonplazentzian erori behar: ‘ahalegin guztiak egiten jarraitu behar dugu’. Eusko Jaurlaritzako sailburuaren iritziz, “euskal enpresak, oro har, kudeaketa arduratsuaren adibide dira ingurumenari dagokionez, eta euren inplikazioa beti maila positiboan egon da. Orain ingurumenaren garaia da, ez soilik “araua betetzearen” inguruko beste alderdi bat gehiago bezala, baizik eta enpresen lehiakortasunaren eta aberastasuna eta ongizatea sortzearen alderdi moduan.