Euskadik 132 enpresa irabazi ditu azaroan, hilabete honetarako daturik onena 2019az geroztik

12-12-2023
Confebaskek Gizarte Segurantzan erregistratutako enpresa kopuruaren bilakaerari buruz egindako azken newsletterrean irakur daitekeenez, Euskadik 132 konpainiaren hazkundea izan zuen azaroan aurreko hilabetearen aldean, eta hori hilabete honetarako daturik onena da duela lau urtetik hona (2019). Horrenbestez, azaroan Euskadin Gizarte Segurantzan erregistratutako enpresen kopurua ia 58.000ra igo da (57.909). Hazkundea mantendu egin da urte arteko datuetan ere. Iazko azaroan zeudenekin alderatuta, 138 enpresa gehiago daude orain (+%0,2). Sektoreka, azaroan sektore guztietan hazi zen enpresa kopurua. Oraindik berreskuratu ezinik dabilena pandemiaren aurreko zifra da, dagoeneko ia lau urte igaro diren arren.

Eusko Jaurlaritzak, Confebaskekin lankidetzan, eskualdeetako esepe-etarako 1.047 m €-ko dirulaguntzen zuzeneko kudeaketa eskatzen du

11-12-2023
Ekonomia eta Ogasun Sailak, Confebaskekin eta haren hiru lurralde-erakundeekin (Cebek, SEA eta Adegirekin) lankidetzan, beste urrats bat eman du Euskadi Next programan, ESKUALDEETAKO ESEPE-etarako euskal proposamena diseinatu baitu. Proposamen horretan jasotzen da euskal proiektu estrategikoak garatzeko oraindik egikaritu ez diren SEM dirulaguntzen 1.047 M €-ren zuzeneko kudeaketarako eskaera. SEMa egikaritzeko epea 2026an amaitzen da eta, epe horren erdia igaro denez, gobernantza-formula aldatzen ez bada, ez egikaritzeko arrisku larria dago. Tamara Yague Confebaskeko lehendakariaren hitzetan, "ezin dugu onartu ‘euro’ bakar bat galtzea autonomia-erkidegoen parte-hartze aktiboagoarekin konpon litekeen zerbaitengatik, aipatutako laguntzen esleipenean, kudeaketan eta banaketan parte hartzeari dagokionez”.

“Euskal enpresok konpromisoa dugu lanbide heziketarekin, lehiakortasuna ematen digulako eta, gainera, gure gazteentzat kalitatezko irteera profesionala eskaintzen duelako”

29-11-2023
Confebaskeko lehendakari Tamara Yague, gaur goizean egin den euskal enpresa & LHko urteroko ekitaldian, Hezkuntzako sailburu Jokin Bildarratzi zuzendu zaio, hau adierazteko: “azken 30 urte hauetan bezala, Confebaskengan aliatu estrategiko bat duzu, gure gazteen heziketa, oro har, eta gure lanbide heziketa, bereziki, hobetzen jarraitzeko. Are gehiago Lanbide Heziketaren Lege Organiko berriak irudikatzen duen esparru berriaren ondorioz eraldaketa handiko garai bat biziko dugunean. Badakizu –jarraitu du Confebaskeko lehendakariak– euskal enpresok konpromisoa dugula lanbide heziketarekin, lehiakortasuna ematen digulako eta, gainera, gure gazteentzat kalitatezko irteera profesionala eskaintzen duelako”.

“Gaur gauean omentzen ari garenak bezalako pertsonei esker, euskal gizartea orain gizarte hobea da”

21-11-2023
Tamara Yague Confebaskeko lehendakariaren adierazpenak ‘Korta Sarien’ aurtengo edizioaren banaketan. Aurtengo edizioan, hauek dira sarituak: Juan Luis Cañas, SEA-Arabako Enpresariek proposatuta; Ana Beobide Laucirica, CEBEKek aurkeztutako hautagaia; Julian Lazkano Uranga eta Tomas Letamendia Goenaga, ex aequo, ADEGIk aurkeztuta; eta Virginia Oregui Navarrete, Korta Bidetik Fundazioak proposatuta. Sariak banatzeko ekitaldian emandako hitzaldian, Tamara Yague Confebaskeko presidenteak esan duenez, “saridunak nabarmendu egiten dira beren zintzotasunagatik, lanagatik, inplikazioagatik eta bizi diren gizartearen aldeko konpromisoagatik. Dakigunez, Joxe Mari Kortaren berezko balioak dira, zeina gaur hemen ohoratzen baitugu. Hain zuzen ere, beren proiektuaren alde egindako apustu irmoaren (arrisku pertsonal ikaragarriak barne) eta lortutako lehiakortasunaren ondorioz, herrialde honetako enpresariek inbertitu egiten dute, enplegua sortzen dute eta gure bizitza eta ongizate maila mantentzeko behar besteko baliabideak sortzen dituzte”.

Lehendakariak Confebaskeko presidentea eta Batzorde Exekutiboa hartu ditu

14-11-2023
Iñigo Urkullu lehendakariak Confebaskeko batzorde exekutiboa eta uztailean karguan Isabel Busto ordeztu zuen Tamara Yague presidente berria hartu ditu gaur goizean, Lehendakaritzan. Lehendakariak Confebaski urtero egiten dion harreran kokatzen da bilera, baina Tamara Yaguek Confebasken ordezkaritza zuzentzen duen lehen aldia izan da. Bileran, euskal enpresaburuek datozen hilabeteetarako jardueran eta enpleguan espero dutena aurkeztu diote lehendakariari, aurreikusitakoaren ildotik, hau da: datozen hilabeteetarako jardueraren dezelerazio argi bat, oraingoz, behintzat, atzeraldirik aurreikusi gabe. Oraingoz, euskal enpresak eusten ari dira, eta gehienek inbertsioak eta enplegua mantentzearen alde egiten jarraitzen dute.