Confebasken azterketa Enpresa Dimentsioaren Newsletter zenbaki berrian argitaratuta da.
Enpresaren dimentsioak langileen soldatarekin ere badu harremanik. Confebaskek bere Enpresa Dimentsioaren Newsletter zenbaki berrirako 2015eko datuekin egin duen azterketak batek jasotzen duenez, Euskadin, 200 langile baino gehiagoko konpainien batez besteko soldata 32.193 eurokoa zen, enpresa guztien multzoan baino %20 gehiago, hura 26.765 eurokoa izan baitzen.
Azterketak, halaber, batez besteko soldaten arteko aldeak erakusten ditu, 50 langile baino gehiago edo 50 baino gutxiago dituzten kontuan hartuta. Gainera, krisian zehar, soldatek gutxiago sufritu dute enpresa handietan, eta %7,4ko igoerak ere izan dituzte, txikiek ez bezala, azken horien igoera %3,7koa izan baita, eta %5,2koa enpresa ertainetan.
Confebaskek Enpresa Dimentsioan argitaratu duen azken Newsletterrak hainbat gai interesgarri lantzen ditu, hala nola hazkunde enpresarialen prozesuak babesten dituen Eusko Jaurlaritzako Innobideak-Lehiabide programaren xehetasunak; konpainien tamainaren garrantzia azpimarratzen duten bi azterketa berri; eta haztearen aldeko apustua egin duten bi euskal enpresaren adibideak.
